Boonchi geel no ta wordo uza masha hopi den cushina. E reseta aki ta di origen di islanan ingles caribeño.

Ingredientenan:

• 1 liber (2 kopi) di boonchi geel
• 2 liber rabo di porko, corta 
• 4 batata grandi corta na bloki
• 1 cuchara di azeta di Oleifi
• 1 Madame Jeannette
• 1 ciboyo grandi, corta na bloki chikito
• 2 ciboyin corta chikito chikito
• 3 rama di tijm (Thyme)
• 4 teenchi konoflok corta chikito chikito
• 3 kopi di lechi coco 
• 6 kopi di awa, ongeveer un liter y mei
• Black pepper na smaak.

1. Laba e rabo di porko y pone herbe den un wea cu awa. Ora e awa cuminsa herbe, baha e candela. Lage herbe pa 45 minuut.
2.  Den un wea di hero pone azeta di Oliefi kienta. 
3. Agrega e ciboyo, ciboyin, konoflok y tijm na wea di hero. Agrega e black pepper na smaak y baha e candela.
4. Agrega e rabo na e wea di hero y laga esaki cushina pa 4 minuut.
5. Laba e boonchi geel y agrega esaki na wea di hero. Lage cushina pa 4 minuut mas.
6. Agrega e kopinan di lechi coco y awa na e wea di hero. Agrega tambe e Madame Jeannette henter.
7. Lage cushina pa ongeveer un ora.
8. Agrega e batata. 
9. Cushina te ora e boonchi bira diki.